రెగ్యులర్ టిఫిన్స్ తో బోర్ కొట్టిందా.. పది నిమిషాల్లో టేస్టీ టేస్టీ బన్ దోస తయారు చేసుకోండి..

Category : జీవనశైలి | Sub Category : జీవనశైలి Posted on 2025-04-04 10:06:13

తెలుగు వెబ్ మీడియా న్యూస్: దక్షిణ భారతీయులకు ప్రీతిపాత్రమైన అల్పాహారాల్లో దోశకు ప్రత్యేక స్థానం ఉంది. రకరకాల దోసలు అందుబాటులో ఉన్నప్పటికీ, మినప పిండిని ఉపయోగించకుండా తక్షణమే తయారు చేసుకోవచ్చే బన్ దోస ఎంతో ప్రత్యేకం. దీని తయారీకి ఉప్మా రవ్వ, పెరుగు, ఉల్లిపాయ, పచ్చిమిర్చి, అల్లం-వెల్లుల్లి పేస్ట్, కారం, జీలకర్ర, ఆవాలు, కరివేపాకు, కొత్తిమీర, ఈనో వంటి పదార్థాలు అవసరం. ముందుగా, రవ్వను పెరుగుతో కలిపి అరగంట నానబెట్టాలి. ఆపై, నూనెలో శనగపప్పు, మినపపప్పు, జీలకర్ర, ఆవాలు, ఎండు మిరపకాయలు వేసి వేగించాలి. అదే బాణలిలో ఉల్లిపాయ, అల్లం-వెల్లుల్లి పేస్ట్, కరివేపాకు, ఉప్పు, కారం వేసి వేయించాలి.

నానిన రవ్వను మిక్సీలో వేసి మెత్తగా గ్రైండ్ చేయాలి. ఈ మిశ్రమంలో ఉప్పు, ఈనో, తగినంత నీరు వేసి దోసపిండిలా చేసుకోవాలి. తరువాత, వేడిగా ఉన్న పాన్‌పై నూనె వేసి, దోస పిండిని పోసి, సన్నని మంటపై రెండు వైపులా కాల్చుకోవాలి. దోస పొంగి వస్తే, ఇది రుచికరమైన బన్ దోసగా మారుతుంది. వేడి వేడిగా కొబ్బరి చట్నీతో తింటే మరింత రుచిగా అనిపిస్తుంది.