హైదరాబాద్‌లో స్వల్పంగా తగ్గిన బంగారం ధర....

Category : తెలంగాణ | Sub Category : రాష్ట్ర వార్తలు Posted on 2025-04-03 10:24:14

తెలుగు వెబ్ మీడియా న్యూస్:- భగ్గుమంటున్న బంగారం ధర సామాన్య, మధ్య తరగతి ప్రజల్ని భయాందోళనకు గురి చేస్తోంది. మిడిల్‌ క్లాస్‌ ప్రజలు గోల్డ్‌ని ఇకపై ఫోటోల్లో మాత్రమే చూసుకోవాలేమో అన్నట్టుగా బంగారం భయపెడుతోంది. ఎక్కడ తగ్గేది లేదంటూ గత కొన్ని సంవత్సరాలుగా పసిడి పరుగులు తీస్తూనే ఉంది.. ఎప్పటి కప్పుడు పుత్తడి ధర దిగివస్తుందనే వార్తలు వస్తూనే ఉన్నాయి. కానీ, గోల్డ్‌ రేట్‌ మాత్రం త్వరలోనే లక్షను క్రాస్‌ చేసేందుకు చేరువైంది. ఇక గత వారం రోజులగా చూసుకుంటే బంగారం ధర భారీగా పెరుగుతోంది. అయితే, ఇవాళ పసిడి ప్రియులకు కాస్త ఊరట కల్పించింది. ధరల పెరుగుదలకు చిన్న బ్రేక్ పడింది. ఇవాళ హైదరాబాద్ బులియన్ మార్కెట్లో బంగారం ధరలు స్థిరంగా కొనసాగుతున్నాయి. 24 క్యారెట్ల మేలిమి బంగారం రేటు తులానికి రూ. 92 వేల 830 వద్ద స్థిరంగా కొనసాగుతోంది. ఇక 22 క్యారెట్ల నగల తయారీ బంగారం ధర 10 గ్రాములకు ఏ మార్పు లేకుండా రూ. 85 వేల 090 వద్ద స్థిరంగా ట్రేడవుతోంది. ఈ క్రమంలో దేశంలోని వివిధ పట్టణాలు, నగరాల్లో బంగారం ధరలు ఎలా ఉన్నాయో ఓ సారి పరిశీలినట్టయితే….

ఢిల్లీలో 22 క్యారెట్ల 10 గ్రాముల బంగారం ధర రూ.85,240 ఉండగా, 24 క్యారెట్ల 10 గ్రాముల ధర రూ.92,980 వద్ద ఉంది. ఇక ఆర్థిక రాజధాని ముంబైలో 22 క్యారెట్ల 10 గ్రాముల బంగారం ధర రూ.85,090 ఉండగా, 24 క్యారెట్ల 10 గ్రాముల ధర రూ.92,830 వద్ద ఉంది. అటు,చెన్నైలో 22 క్యారెట్ల 10 గ్రాముల బంగారం ధర రూ.85,090 ఉండగా, 24 క్యారెట్ల 10 గ్రాముల ధర రూ.92,830 వద్ద ఉంది...

ఇకపోతే, హైదరాబాద్‌లో 22 క్యారెట్ల 10 గ్రాముల బంగారం ధర రూ.85,090 ఉండగా, 24 క్యారెట్ల 10 గ్రాముల ధర రూ.92,830 వద్ద ఉంది. కోల్‌కతాలో 22 క్యారెట్ల 10 గ్రాముల బంగారం ధర రూ.85,110 ఉండగా, 24 క్యారెట్ల 10 గ్రాముల ధర రూ.92,850 వద్ద ఉంది...