అమెరికాలో అభిమాని ఇంటి ముందు అమితాబ్ విగ్రహం!

Category : | Sub Category : అంతర్జాతీయ Posted on 2024-07-30 08:50:28

TWM NEWS:వాషింగ్టన్: బాలీవుడ్ ప్రముఖ నటుడు అమితాబ్ బచ్చన్ తన నటనతో ప్రపంచవ్యాప్తంగా అభిమానుల్ని సంపాదించుకున్నారు. అమెరికాలోని న్యూజెర్సీకి చెందిన గోపీ సేథ్ అనే వ్యాపారవేత్త అమితాబ్పై తనకున్న అభిమానాన్ని ప్రత్యేకంగా చాటుకున్నారు. రెండేళ్ల క్రితం ఎడిసన్ నగరంలోని తన నివాసం ముంగిట అమితాబ్ నిలువెత్తు విగ్రహాన్ని ఆయన ఏర్పాటు చేయించారు. ప్రస్తుతం దీన్ని ప్రముఖ పర్యాటక ప్రాంతంగా గూగుల్ గుర్తించింది. దీనిపై గోపీ సేథ్ ఆనందం వ్యక్తంచేశారు. మా నివాసం ప్రముఖ పర్యాటక కేంద్రంగా మారింది. గూగుల్ గుర్తింపు కారణంగా రోజురోజుకీ సందర్శకుల సంఖ్య పెరుగుతోంది. అమితాబ్ విగ్రహాన్ని చూసేందుకు ప్రపంచం నలుమూలల నుంచి ఎంతోమంది ఇక్కడికి వస్తున్నారు అని సేథ్ తెలిపారు.