బీటౌన్ లో జాన్వీ ఇప్పటి వరకు చిన్న హీరోల సినిమాల్లోనే నటించారు. కానీ, తెలుగులో మాత్రం తొలి సినిమానే ఎన్టీఆర్ తో ఆడిపాడనున్నారు. బాలీవుడ్ లో స్టార్ హీరోయిన్స్ కు పోటీ ఇవ్వలేని జాన్వీ.. ఇక్కడ మాత్రం టాప్ లిస్ట్ హీరోయిన్స్ కు గట్టిపోటీ ఇచ్చే అవకాశాలు కనిపిస్తున్నాయి. దేవర లో ఇప్పటి వరకు రిలీజైన పాటల్లో జాన్వీ అందానికి, డ్యాన్స్ కు  ఆడియన్స్ ఫిదా అవుతున్నారు. తాజాగా రిలీజైన దావుదీ.. సాంగ్ లో ఎన్టీఆర్ తో సమానంగా డ్యాన్స్ వేసిందని ప్రేక్షకులు ప్రశంసిస్తున్నారు. దీంతో ఈ సినిమా విడుదలయ్యాక జాన్వీ మరిన్ని అవకాశాలు అందుకోవడం ఖాయమని వారు భావిస్తున్నారు. కొరటాల శివ దర్శకత్వంలో ఎన్టీఆర్ హీరోగా తెరకెక్కతోన్న దేవర  సెప్టెంబర్ 27న ప్రేక్షకుల ముందుకు రానుంది. ఇందులో జాన్వీ తంగం పాత్రలో కనిపించనున్నారు. లంగా ఓణీతో పక్కా పల్లెటూరి అమ్మాయిగా అలరించనున్నారు. యాక్షన్ డ్రామాగా ముస్తాబవుతోన్న ఈ చిత్రం రిలీజ్ కు ముందే పలు రికార్డులు తన ఖాతాలో వేసుకోవడం విశేషం.