ఏపీ సీఐడీ మాజీ చీఫ్‌ సంజయ్‌కు సుప్రీంకోర్టు నోటీసులు

Category : ఆంధ్రప్రదేశ్ | Sub Category : రాష్ట్ర వార్తలు Posted on 2025-04-02 10:07:37

తెలుగు వెబ్ మీడియాన్యూస్:- ఆంధ్రప్రదేశ్‌ సీఐడీ మాజీ చీఫ్‌ సంజయ్‌ కు సుప్రీంకోర్టు  నోటీసులు జారీ  చేసింది. అగ్నిమాపక విభాగంలో అవినీతి కేసులో ఆయనపై ఆంధ్రప్రదేశ్‌ ప్రభుత్వం ఇటీవల ఎఫ్‌ఐఆర్‌   నమోదు చేసింది. ఈ కేసులో సంజయ్‌కు ఆంధ్రప్రదేశ్‌ హైకోర్టు   ముందస్తు బెయిల్‌ ఇచ్చింది. ఉన్నత న్యాయస్థానం తీర్పును రాష్ట్ర ప్రభుత్వం సుప్రీంకోర్టులో సవాల్‌ చేసింది. దీనిపై విచారణ చేపట్టిన జస్టిస్‌ అమానుతుల్లా , జస్టిస్‌ పి.కె. మిశ్రా ధర్మాసనం,  ఆంధ్రప్రదేశ్‌ ప్రభుత్వ పిటిషన్‌పై కౌంటర్‌ దాఖలు చేయాలని సంజయ్‌కు నోటీసులు జారీ చేసింది. అనంతరం తదుపరి విచారణను నెలాఖరుకు వాయిదా వేసింది.