విజయవాడలో ఆకాశమంత అంబేద్కరుడు.. ప్రపంచంలోనే ఎత్తైన విగ్రహం, విశేషాలివే..!

Category : | Sub Category : రాజకీయం Posted on 2024-01-19 12:49:51

TWM Live News :- విజయవాడ నగరం నడిబొడ్డున ఏర్పాటు చేసిన స్టాట్యూ ఆఫ్ సోషల్ జస్టిస్ డాక్టర్ బీఆర్ అంబేద్కర్ విగ్రహాన్ని నేడు సీఎం జగన్ ఆవిష్కరించనున్నారు. దాదాపుగా 19 ఎకరాల్లో రూ. 400 కోట్లకు పైగా ఖర్చు చేసి 206 అడుగులతో ఈ విగ్రహాన్ని రూపొందించారు. ప్రపంచంలోనే ఇది ఎత్తైన అంబేద్కర్ విగ్రహం కావటం విశేషం.

దేశంలో అణగారిన వర్గాలకు స్వేచ్ఛ, అంటరానితనం నిర్మూలన, సమానత్వాలు ప్రసాదించిన భారత రాజ్యాంగ నిర్మాత డాక్టర్ బీఆర్ అంబేద్కర్ మహా విగ్రహం ఆవిష్కరణకు సిద్ధమైంది. విజయవాడ నగరం నడిబొడ్డున స్వరాజ్య మైదానంగా పిలిచే పీడబ్ల్యూడి గ్రౌండ్స్‌లో ఏపీ ప్రభుత్వం సబ్‌ప్లాన్‌ నిధులతో నిర్మించిన 206 అడుగుల అంబేద్కర్ విగ్రహాన్ని ఇవాళ సీఎం జగన్ ఆవిష్కరించనున్నారు. రూ. 400 కోట్లతో నిర్మించిన ఈ విగ్రహం ప్రపంచంలోనే ఎత్తైన అంబేద్కర్ విగ్రహంగా (సామాజిక న్యాయ మహాశిల్పం) నిలవనుంది. ఏపీ ప్రభుత్వం ప్రతిష్టాత్మకంగా నిర్మించిన ఈ మహా విగ్రహ విశేషాలెంటో ఇప్పుడు చూద్దాం.