Category : సినిమా | Sub Category : సినిమా Posted on 2024-11-19 10:59:26
ట్రైల‌ర్ రిలీజయ్యాక పుష్ప2 సినిమాపై ఆడియ‌న్స్ లో మ‌రింత ఆస‌క్తి పెరిగింది. చూస్తుంటే సుకుమార్ ఏదో గ‌ట్టిగానే ప్లాన్ చేసిన‌ట్లు అర్థ‌మ‌వుతోంది. ట్రైల‌ర్ లో సస్పెన్స్ తో పాటూ కొత్త ప‌రిచ‌యాలు ఇంట్రెస్టింగ్ గా ఉన్నాయి. మ‌రీ ముఖ్యంగా అర‌గుండు గెట‌ప్ లో క‌నిపించిన తార‌క్ పొన్న‌ప్ప ట్రైల‌ర్‌కు సెంట‌ర్ ఆఫ్ ఎట్రాక్ష‌న్ అయ్యాడు.కేవ‌లం సెక‌న్ల పాటూ క‌నిపించిన ఈ అర‌గుండు లుక్ నెట్టింట వైర‌ల్ గా మారింది. మెడ‌లో చెప్పుల దండ, ఇంటెన్స్ లుక్ తో తార‌క్ పొన్న‌ప్ప క్యారెక్ట‌ర్ సినిమాకు ట‌ర్నింగ్ పాయింట్ అవ‌నుంద‌ని తెలుస్తోంది. దేవ‌ర‌లో భైరా కొడుకుగా నెగిటివ్ రోల్ తో టాలీవుడ్ కు ప‌రిచ‌య‌మైన తార‌క్ పొన్న‌ప్ప పుష్ప2 ట్రైల‌ర్ తోనే మంచి క్రేజ్ సంపాదించుకున్నాడు.ఈ పాత్ర‌పై తార‌క్ పొన్న‌ప్ప రీసెంట్ గా ఓ ఇంట‌ర్వ్యూలో మాట్లాడాడు. పుష్ప2లో త‌న పాత్ర పాజిటివ్, నెగిటివ్ షేడ్స్ క‌లిగి ఉంటుంద‌ని, బ‌న్నీ పాత్ర‌కు కీల‌క మ‌లుపు తెచ్చేలా త‌న పాత్ర ఉంటుంద‌ని వెల్ల‌డించడంతో పుష్ప2పై ఉన్న ఆస‌క్తి ఇంకా పెరిగింది. పుష్ప‌లో త‌న లుక్ మాత్ర‌మే కాదు మాట‌లు, న‌ట‌న కూడా నెక్ట్స్ లెవెల్ లో ఉంటుంద‌ని ట్రైల‌ర్ చూసిన‌వారంతా చెప్తున్నారు. ప్ర‌స్తుతం పుష్ప2 ట్రైల‌ర్ యూట్యూబ్ లో టాప్ ట్రెండింగ్ గా ఉంది.
