Category : నేర | Sub Category : ఆంధ్రప్రదేశ్ Posted on 2024-11-19 10:37:09
TWM News:-కృష్ణా జిల్లా గన్నవరం తెదేపా నేత కాసనేని రంగబాబుపై దాడి కేసులో మాజీ ఎమ్మెల్యే వల్లభనేని వంశీ అనుచరులను పోలీసులు అదుపులోకి
గన్నవరం: కృష్ణా జిల్లా గన్నవరం తెదేపా నేత కాసనేని రంగబాబు పై దాడి కేసులో మాజీ ఎమ్మెల్యే వల్లభనేని వంశీ అనుచరులను పోలీసులు అరెస్ట్ చేశారు. వీరిలో వంశీ ప్రధాన అనుచరుడు ఓలుపల్లి మోహనరంగాతో పాటు మరికొందరు ఉన్నారు. కేసు వివరాల్లోకి వెళితే.. గతంలో వైకాపాలో ఉన్న రంగబాబు ఎన్నికలకు ముందు తెదేపాలో చేరారు. దీన్ని జీర్ణించుకోలేని వంశీ అనుచరులు గన్నవరం సమీపంలోని పార్క్ ఎలైట్ హోటల్ వద్ద ఆయనపై దాడికి పాల్పడ్డారు. ఈ ఘటనలో రంగబాబుకు గాయాలయ్యాయి. దీనిపై ఆయన పోలీసులకు ఫిర్యాదు చేశారు.
పొలం విషయమై మాట్లాడేందుకు పిలిచి దాడి చేశారని ఫిర్యాదులో రంగబాబు పేర్కొన్నారు. వైకాపా ప్రభుత్వం ఈ కేసును నీరుగార్చింది. తాజాగా ఈ కేసు విచారణలో కదలిక వచ్చింది. నిందితులు ఓలుపల్లి మోహనరంగా, అనగాని రవి, భీమవరపు రాము, ఎం. బాబు, సూరపనేని అనిల్, పొన్నూరు సీమయ్య, గుర్రం నానిలను అరెస్ట్ చేశారు. నిందితులను కంకిపాడు పీఎస్ కు తరలించి విచారిస్తున్నారు.
