పుతిన్‌ను విమర్శించిన రష్యన్ చెఫ్.. సెర్బియా హోటల్‌లో శవమై కనిపించిన అలెక్సీ జిమిన్!

Category : నేర | Sub Category : అంతర్జాతీయ Posted on 2024-11-14 12:27:21

TWM News:-క్రిమియాను రష్యా స్వాధీనం చేసుకున్న తర్వాత అనేక విమర్శలను ఎదుర్కొన్న జిమిన్ 2014లో దేశం విడిచిపెట్టాడు.

ఉక్రెయిన్‌లో యుద్ధంపై రష్యా అధ్యక్షుడు వ్లాదిమిర్ పుతిన్‌ను తీవ్రంగా విమర్శించిన రష్యా టెలివిజన్ చెఫ్ అలెక్సీ జిమిన్ సెర్బియాలోని ఓ హోటల్‌లో అనుమానాస్పదస్థితిలో మృతిచెందాడు. 52 ఏళ్ల అలెక్సీ జిమిన్ సెర్బియా రాజధాని బెల్‌గ్రేడ్‌లోని ఒక హోటల్ గదిలో శవమై కనిపించాడు. అతను బ్రిటిష్ ఆంగ్లోమానియా గురించి తన కొత్త పుస్తకాన్ని ప్రచారం చేయడానికి సెర్బియాలో ఉన్నట్లు సమాచారం. జిమిన్ మరణంలో ఎలాంటి అనుమానాస్పద పరిస్థితులు కనిపించలేదని సెర్బియా అధికారులు పేర్కొన్నారు.

జిమిన్‌ మరణానికి గల కారణాలు తెలియరాలేదు. ఆయన మృతదేహానికి పోస్టుమార్టం నిర్వహించిన అనంతరం మృతికి గల కారణాలు బయటపడతాయని సెర్బియన్‌ అధికారులు వెల్లడించారు. జిమిన్ మరణానంతరం అతని పోస్ట్‌మార్టం నివేదిక , టాక్సికాలజీ డిపార్ట్‌మెంట్ నివేదికను పరిశీలిస్తున్నట్లు సెర్బియా దర్యాప్తు అధికారులు తెలిపారు.

అలెక్సీ జిమిన్ రష్యాలో ప్రసిద్ధ వ్యక్తి. అతను రష్యన్ ఛానల్  TWM.co.in లో కుకింగ్ విత్ అలెక్సీ జిమిన్అనే ప్రముఖ షో నిర్వహిస్తున్నాడు. క్రిమియాను రష్యా స్వాధీనం చేసుకున్న తర్వాత అనేక విమర్శలను ఎదుర్కొన్న జిమిన్ 2014లో దేశం విడిచిపెట్టాడు. ఆ తర్వాత లండన్‌లో స్థిరపడి సొంతంగా వ్యాపారం ప్రారంభించాడు. ఈ సమయంలో టీవీ ఛానళ్లలో షోలు చేస్తూనే ఉన్నాడు. 2022లో ఉక్రెయిన్‌పై రష్యా దాడి తర్వాత, అతను సోషల్ మీడియాలో చాలా శత్రు పోస్ట్‌లు తీసుకొని షోను ముగించాడు.