ఉత్తరాంధ్ర రాజకీయాల్లో ఊహించని ట్విస్ట్.. మంత్రి బొత్సకు పోటీగా కీలక నేత..?

Category : | Sub Category : రాజకీయం Posted on 2024-02-23 11:12:47

TWM News : అధికార వైసిపిలో ఉత్తరాంధ్ర జెయింట్ కిల్లర్‎పై ప్రత్యేక దృష్టి సారించింది ప్రతిపక్ష టిడిపి. మూడు జిల్లాలో గట్టి పట్టున్న ఆ నేతను ఒక్కచోటే అష్ట దిగ్బంధనం చేస్తే ఎన్నికల్లో తమకు గట్టిగా కలిసొస్తుందనేది ప్రతిపక్ష పార్టీ వ్యూహం. అందుకోసం అన్ని ప్రణాళికలు సిద్ధం చేసి ఆయనపై మరో ట్రబుల్ షూటర్‎ను బరిలోకి దించనున్నట్లు తెలుస్తుంది. బొత్స సత్యనారాయణ, రాష్ట్ర రాజకీయాల్లో ఫైర్ బ్రాండ్. ఆయనకంటూ సొంత ఇమేజ్, వ్యక్తిగత ఓట్ బ్యాంక్‎తో పాటు దూకుడుగా ముందుకెళ్లటం ఆయన స్టైల్. రాజధాని వ్యవహారం కావచ్చు? ఉద్యోగ సంఘాల డిమాండ్లు కావచ్చు? ఏ అంశమైన సింపుల్‎గా హ్యాండిల్ చేయగల దిట్ట. ఉత్తరాంధ్ర రాజకీయాల్లో గట్టిపట్టున్న నేత. ముప్పై నాలుగు నియోజకవర్గాల్లో ఆయన వ్యూహాలు, ప్రణాళికలతో ప్రభావం చేయగల నేత. ప్రస్తుతం బొత్స చీపురుపల్లి ఎమ్మెల్యే అభ్యర్థిగా, ఆయన సతీమణి బొత్స ఝాన్సీ విశాఖ ఎంపి అభ్యర్థిగా బరిలోకి దిగుతున్నారు. అలాగే శ్రీకాకుళం, విజయనగరం జిల్లా రీజనల్ కో ఆర్డినేటర్‎గా వ్యవహరిస్తున్నారు.