Category : నేర | Sub Category : ఆంధ్రప్రదేశ్ Posted on 2024-11-14 10:06:07
TWM News:-అదమరపుగా ఉన్నారా.. ఇక అంతే..! మీరు ఏదైతే వాహనంపై అక్కడికి వచ్చారో.. ఆ వాహనం గోవిందా..! ఇక ఆ వాహనం మీకు కనిపించదు..! ఎందుకంటే దానిని ఎత్తుకుపోయే వ్యక్తి అంత టాలెంటెడ్ మరి. ద్విచక్ర వాహనాలను టార్గెట్ చేస్తూ ఆ ప్రాంతంలో వరుస బైక్ దొంగతనాలకు పాల్పడ్డాడు. సింగిల్ గా బైక్ అతని కంటికి కనిపించడమే పాపం దాన్ని క్షణాల్లో లేపేస్తాడు. ప్రస్తుతం ఆ కేటుగాడు పోలీసుల చేతికి చెక్కి ఊచలు లేక్కడెడుతున్నారు.
అయితే అతడు కొట్టేసింది ఒకటి రెండు బైక్లు అయితే కాదండి ఏకంగా 23 బైక్‌లను ఒక్కడే దొంగలించేశాడు. రికార్డ్ నేను ఫాలో కాను రికార్డులే నన్ను ఫాలో అవుతాయి అంనుకుంటూ వరుస చోరిలతో దూసుకుపోతున్న అతడి వేగానికి పోలీసులకు కళ్ళెం వేశారు. అసలు అంత నైపుణ్యం ఉన్న దొంగ ఎవరు, ఎక్కడి వాడు , ఒక్కడే ఇన్ని చోరీలు ఎలా చేయగలిగాడనే ఆసక్తి మిలో కనిపిస్తుంది కదా.. ఎందుకు ఆలస్యం చదివేయండి...
తూర్పుగోదావరి జిల్లా గోపాలపురం మండలం కరిచర్లగుడానికి చెందిన పల్లంటి శ్రీనివాస్ అలియాస్ శ్రీను వయసు కేవలం 26 మాత్రమే కానీ గతంలో అనేక బైక్ చోరీ కేసులలో అతగాడు నిందితుడు. గత కొంతకాలంగా జంగారెడ్డిగూడెం రామచంద్రపురం ఏరియాలో శీను నివాసం ఉంటున్నాడు. జంగారెడ్డిగూడెం పరిసర చుట్టుపక్కల ప్రాంతాల్లో ప్రధానంగా ద్విచక్ర వాహనాలే టార్గెట్ గా చోరీలకు పాల్పడ్డాడు.
