Category : వ్యాపారం | Sub Category : జాతీయ Posted on 2024-11-12 11:50:56
TWM News:-ప్రస్తుతం మార్కెట్లో 5 రూపాయాల కాయిన్స్‌లో మార్పు కనిపిస్తోంది. ఒకప్పుడు లావుగా, మందంగా ఉన్న కాయిన్స్ పెద్దగా కనిపించడం లేదు. తక్కువ మందంతో, బరువు తక్కువ ఉన్న కాయిన్స్ చెలామణి పెరిగింది. దీనికి అసలు కారణం ఏంటో తెలుసా..?
గమనిస్తే మార్కెట్లో పాత రూ. 5 కాయిన్స్ చలమాణీ తగ్గుతున్న విషయం స్పష్టమవుతోంది. వీటి స్థానంలో సన్నగా రాగి కలర్‌లో ఉన్న కాయిన్స్ ఎక్కువగా వస్తున్నాయి. అయితే మార్కెట్లో ఇలా ఈ కాయిన్స్ తగ్గడం వెనకాల అసలు కారణం ఏంటో తెలుసా.? దీనివెనకాల పెద్ద కథే ఉందండోయ్‌. అదేంటో ఇప్పుడు తెలుసుకుందాం..
పాత రూ. 5 కాయిన్స్ కొద్దిగా లావుగా ఉండేవి. వీటి బరువు కూడా ఎక్కువగా ఉండేవి. ఈ కాయిన్స్‌ను ఖరీదైన కప్రో-నికెల్‌ అనే లోహంతో తయారు చేసేవారు. వీటి బరువు సుమారు 9 గ్రాములు ఉంటుంది. అయితే వీటిని కొందరు అక్రమంగా బంగ్లాదేశ్‌కు తరలిస్తున్నారు. తరలించిన ఈ కాయిన్స్‌ను కరిగించి బ్లేడ్స్‌ తయారు చేస్తున్నారు. దీంతో డబ్బులు సంపాదిస్తున్నారు.
ఒక్క రూ. 5 కాయిన్‌ను కరిగించడం ద్వారా ఆరు బ్లేడ్స్‌ను తయారు చేయొచ్చు. ఒక్కో బ్లేడ్‌ రూ. 2 విక్రయించినా ఒక్క కాయిన్‌తో రూ. 12 సంపాదిస్తున్నారు. ఈ వ్యవహారం ఏదో లాభదాయకంగా ఉండడంతో పెద్ద ఎత్తున భారత్‌ను నుంచి అక్రమంగా కాయిన్స్‌ను తరలిస్తున్నారు. ఈ విషయాన్ని గుర్తించి రిజర్వ్‌ బ్యాంక్‌ ఆఫ్‌ ఇండియా కీలక నిర్ణయం తీసుకుంది. పాత నాణేల తయారీని ఆపేసి కొత్త కాయిన్స్‌ను తయారు చేయడం ప్రారంభించింది.
ఈ కొత్త కాయిన్స్ మందంతో పాటు బరువును సైతం తగ్గించింది. అదే విధంగా తక్కువ ధర ఉన్న లోహంతో తయారు చేయడం మొదలు పెట్టారు. ఈ కారణంగానే మార్కెట్లోకి కొత్త రూ. 5 కాయిన్స్ వస్తున్నాయి. దీంతో నాణేల అక్రమ రవణా అడ్డుకట్ట పడుతుందని అధికారులు భావిస్తున్నారు. చూశారుగా మార్కెట్లో కాయిన్స్ వెనకాల ఉన్న అసలు కథ ఇది.
