Category : సినిమా | Sub Category : సినిమా Posted on 2024-11-11 12:56:02
TWM News:స్టార్ హీరోయిన్ సమంత ఏడాది పాటు సినిమాలకు బ్రేక్ ఇచ్చి ఇప్పుడు తిరిగి సినిమాలతో బిజీగా మారనుంది. తక్కువ సమయంలో స్టార్ హీరోయిన్‌గా మారిపోయిన సమంత.. టాలీవుడ్ లో దాదాపు అందరు స్టార్ హీరోలతో నటించారు. సమంత అందానికి, నటనకు ఫిదా కానీ కుర్రాడు ఉండడు. సమంత తెలుగుతో పాటు తమిళ్, హిందీలోనూ నటిస్తూ మెప్పిస్తుంది. సిటాడెల్ అనే సిరీస్ తో ప్రేక్షకుల ముందుకు వచ్చింది. సామ్ గతంలో ఫ్యామిలీ మ్యాన్ 2 వెబ్ సిరీస్ లో నటించి మెప్పించింది. ఈ సిరీస్ తో హిందీ ఆడియన్స్ కు దగ్గరయిన సామ్ ఇప్పుడు. సిటాడెల్ సిరీస్ తో మరోసారి ప్రేక్షకులను ఆకట్టుకుంది. ప్రస్తుతం ఈ సిరీస్ ఓటీటీలోఅదరగొడుతోంది. నెట్ ఫ్లిక్స్ లో ట్రెండింగ్‌లో ఉంది ఈ సిరీస్.ఈ సిరీస్ ప్రమోషన్స్ లో బిజీగా ఉంది సామ్. ఇటీవల ఓ కార్యక్రమంలో పాల్గొన్న సమంత ‘సిటాడెల్: హనీ బన్నీ’ సక్సెస్‌ పట్ల ఆనందం వ్యక్తం చేశారు. అలాగే సామ్ మాట్లాడుతూ.. సినిమాలు చూసే ఆడియన్స్ ను మనం తక్కువ అంచనా వేయకూడదు. ప్రేక్షకులు అన్ని గమనిస్తుంటారు. అందుకే ఏం చేసిన చాలా జాగ్రత్త , బాధ్యతగా చేయాలి. నేను ఓ పాత్ర చేస్తే దాని బాధ్యత పూర్తిగా నాదే.. అందుకే నేను చాలా జాగ్రత్తగా.. ఆలోచించి పాత్రలు ఎంచుకుంటుంటా.. ప్రస్తుతం సమాజంలో మహిళలకు న్యాయమైన ప్రాతినిధ్యం ఉండాలని భావిస్తున్నా అని సమంత అన్నారు.
