Category : నేర | Sub Category : తెలంగాణ Posted on 2024-11-11 12:37:10
TWM News:కార్లను తరలిస్తున్న ఓ కంటెయినర్లో లో ప్రమాదవశాత్తు మంటలు చెలరేగి దగ్ధమైన ఘటన సంగారెడ్డి జిల్లా జహీరాబాద్ బైపాస్ రోడ్డులో ఆదివారం చోటు చేసుకుంది. ఈ ప్రమాదంలో టాటా కంపెనీకి చెందిన ఎనిమిది వాహనాలు కాలిబూడిదయ్యాయి. గుజరాత్ నుంచి హైదరాబాద్, ఖమ్మం పట్టణాల్లోని షోరూంలకు ఐదు పంచ్, మూడు నెక్సాన్ కార్లను డెలివరీ ఇచ్చేందుకు వెళ్తుండగా ఈ ప్రమాదం సంభవించింది. హైదరాబాద్-ముంబయి జాతీయ రహదారిపై రంజోల్ సమీపంలో డ్రైవరు మేవరామ్ మీనా(55) రోడ్డు పక్కన కంటెయినర్ను నిలిపి క్యాబిన్ లో విశ్రాంతి తీసుకుంటుండగా ఒక్కసారిగా మంటలు చెలరేగాయి. మొదట క్యాబిన్ నుంచే మంటలు రావడంతో ఆయనకు తీవ్ర గాయాలయ్యాయి. తరువాత మొత్తం వాహనానికి మంటలు వ్యాపించాయి. దీంతో జాతీయ రహదారిపై ట్రాఫిక్ భారీగా స్తంభించింది. అల్గోల్ కూడలి నుంచి వాహనాల రాకపోకలను పోలీసులు పునరుద్ధరించారు. కేసు నమోదు చేసుకుని దర్యాప్తు చేస్తున్నట్లు పోలీసులు, అగ్నిమాపక శాఖ అధికారులు తెలిపారు.
