Category : సినిమా | Sub Category : సినిమా Posted on 2024-11-11 12:35:56
TWM News:-
ఐకాన్ స్టార్ అల్లు అర్జున్ మరోసారి పుష్పరాజ్గా థియేటర్లలో సందడి చేయబోతున్నారు. గతంలో విడుదలైన పుష్ప చిత్రం ఏ రేంజ్ హిట్టయ్యిందో చెప్పక్కర్లేదు. దీంతో ఇప్పుడు ఆ చిత్రానికి సీక్వెల్ గా రాబోతున్న పుష్ప 2 మూవీలై మరిన్ని అంచనాలు నెలకొన్నాయి. డైరెక్టర్ సుకుమార్ దర్శకత్వంలో అల్లు అర్జున్ నటిస్తోన్న ఈ సినిమా కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఈ ఏడాడి డిసెంబర్ 5న ఈ సినిమాను ప్రపంచవ్యాప్తంగా విడుదల చేయనున్నారు. దీంతో ఇప్పుడు పుష్ప 2 ది రూల్ ప్రమోషన్స్ స్టార్ట్ చేశారు మేకర్స్. ఇప్పటికే నందమూరి బాలకృష్ణ హోస్టింగ్ చేస్తున్న అన్ స్టాపబుల్ టాక్ షోలో పాల్గొన్నారు బన్నీ. తన తల్లితో కలిసి అనేక విషయాలను పంచుకున్నారు. ఈరోజు ఉదయమే ఈ ఎపిసోడ్ ప్రోమో రిలీజ్ కాగా.. ఫుల్ ఎపిసోడ్ స్ట్రీమింగ్ కోసం వెయిట్ చేస్తున్నారు ఫ్యాన్స్. ఈ క్రమంలోనే తాజాగా బన్నీ అభిమానులకు ఊహించని సర్ ప్రైజ్ ఇచ్చారు పుష్ప 2 మేకర్స్.
తాజాగా పుష్ప 2 ప్రాజెక్టులో హీరోయిన్ శ్రీలీల సైతం భాగమయ్యారని చెబుతూ ఓ పోస్టర్ రిలీజ్ చేసింది చిత్రయూనిట్. ఈ సినిమాలోని స్పెషల్ సాంగ్ లో బన్నీతో కలిసి స్టెప్పులేయనుంది శ్రీలీల. ఈ క్రమంలోనే డ్యాన్సింగ్ క్వీన్ శ్రీలీల అంటూ పోస్టర్ విడుదల చేశారు మేకర్స్. నిజానికి శ్రీలీల ఈ పాటలో కనిపించనుందని కొన్ని రోజులుగా ప్రచారం నడుస్తుంది. ఇటీవలే సెట్స్ లో బన్నీ, శ్రీలీల ఫోటో సైతం లీక్ అయ్యింది. ఇక ఇప్పుడు చిత్రయూనిట్ నుంచి శ్రీలీల పోస్టర్ అధికారికంగా విడుదలయ్యింది. దీంతో బన్నీ, శ్రీలీల డాన్స్ పై మరింత హైప్ నెలకొంది. ఎందుకంటే శ్రీలీల, బన్నీ డాన్స్, ఎనర్జీ గురించి చెప్పక్కర్లేదు. ఇప్పుడు ఇద్దరూ కలిసి స్టెప్పులతో థియేటర్లలో రచ్చ చేయనున్నారు.
