Category : క్రీడలు | Sub Category : జాతీయ Posted on 2024-11-11 11:31:43
TWM News:భారత్ బోర్డర్-గావస్కర్ ట్రోఫీలో తొలి మ్యాచ్ ఆస్ట్రేలియా జట్టును ప్రకటించింది. ఈ సిరీస్లో ఆస్ట్రేలియా ఇన్నింగ్స్ను ఎవరు ఆరంభిస్తారనే ప్రశ్నకు సమాధానం దొరికేసింది. ఇటీవల భారత్-ఎతో అనధికార టెస్టులో ఓపెనర్గా రాణించిన నాథన్ మెక్స్వినీకి ఆసీస్ సెలక్టర్లు అవకాశమిచ్చారు. పెర్త్లో నవంబరు 22న ఆరంభమయ్యే తొలి టెస్టు కోసం ప్రకటించిన ఆస్ట్రేలియా జట్టులో అతడికి చోటు దక్కింది. ఈ మ్యాచ్ కోసం ఎంపికైన 13 మందిలో మరో కొత్త ముఖం ఉంది. పరిమిత ఓవర్ల క్రికెట్లో నిలకడగా రాణిస్తున్న వికెట్ కీపర్ బ్యాటర్ జోష్ ఇంగ్లిస్కు తొలిసారి టెస్టుల్లో అవకాశం దక్కింది. అలెక్స్ కేరీకి తోడుగా ఇంగ్లిస్ ను ప్రత్యామ్నాయ కీపర్గా ఎంపిక చేశారు.
మెక్స్వినీ భారత్-ఎతో తొలి అనధికార టెస్టులో రెండు ఇన్నింగ్స్ 39, 88 పరుగులు చేశాడు. ఆస్ట్రేలియా దేశవాళీ ఫస్ట్ క్లాస్ టోర్నీ షెఫీల్డ్ షీల్డ్ టోర్నీలో అతను నిలకడగా రాణించాడు. దిగ్గజ ఆటగాడు డేవిడ్ వార్నర్ రిటైరయ్యాక ఉస్మాన్ ఖవాజాకు తోడుగా సరైన ఓపెనర్ లేక ఆసీస్ ఇబ్బంది పడుతోంది. స్టీవ్ స్మిత్ కొంత కాలం ఓపెనింగ్ చేసినా రాణించలేకపోయాడు. భారత్తో తో సిరీస్కు మార్కస్ హారిస్, సామ్ కొన్జస్, కామెరూన్ బాన్ క్రాఫ్ట్ పేర్లను కూడా పరిశీలించినప్పటికీ.. మెక్స్వినీకే సెలక్టర్లు ఓటేశారు. సిరీస్లో భారత్, ఆసీస్ అయిదు టెస్టుల్లో తలపడతాయి.
భారత్తో తొలి టెస్టుకు ఆస్ట్రేలియా జట్టు: కమిన్స్ (కెప్టెన్), ఖవాజా, మెక్స్వినీ, హెడ్, స్టీవ్ స్మిత్, లబుషేన్, కేరీ, మిచెల్ మార్ష్, ఇంగ్లిస్, లైయన్, స్టార్క్, హేజిల్వుడ్, బోలాండ్.
