Category : క్రీడలు | Sub Category : అంతర్జాతీయ Posted on 2024-11-11 11:21:04
TWM News:అమెరికా టెన్నిస్ స్టార్ కొకో గాఫ్ కెరీర్లో తొలిసారి డబ్ల్యూటీఏ ఫైనల్స్ టైటిల్ను గెలుచుకుంది. ఫైనల్లో ఆమె 3-6, 6-4, 7-6 (7-2)తో ఒలింపిక్ చాంపియన్ జెంగ్ కిన్వెన్ (చైనా)పై విజయం సాధించింది. 20 ఏళ్ల గాఫ్ రెండో సెట్లో 0-2తో, 3-5తో వెనుకబడ్డా పుంజుకుంది. ఓ దశలో పరాజయానికి రెండు పాయింట్ల దూరంలో నిలిచినా.. పట్టుదలగా పోరాడి గెలిచింది. మరోవైపు గాబ్రియెలా దబ్రోవ్స్కి (కెనడా), ఎరిన్ రౌట్లిఫ్ (న్యూజిలాండ్) జోడీ డబ్ల్యూటీఏ డబుల్స్ టైటిల్ను చేజిక్కించుకుంది. ఫైనల్లో ఈ ద్వయం 7-5, 6-3తో సైనికోవ్ (చెక్), టౌన్సెండ్ (అమెరికా) జంటను ఓడించింది.
