ప్రో కబడ్డీ లీగ్: ముంబై జోరు

Category : క్రీడలు | Sub Category : జాతీయ Posted on 2024-11-11 11:16:17

TWM News:ప్రొ కబడ్డీ లీగ్ 11వ సీజన్లో  యు ముంబా జోరు కొనసాగుతోంది. ఆదివారం హోరాహోరీగా సాగిన మ్యాచ్లో ఆ జట్టు 35-33 తేడాతో యూపీ యోధాస్పై విజయం సాధించింది. తొలి అర్ధభాగంలో వెనుకబడ్డ ముంబా.. ఆ తర్వాత గొప్పగా పుంజుకుని గెలుపు వైపు నిలిచింది. అజిత్ (8), రోహిత్ (8) ఆ జట్టు విజయంలో కీలక పాత్ర పోషించారు. యోధాస్ తరపున భరత్ (11) రాణించాడు.ఆరంభం నుంచి పాయింట్ల కోసం రెండు జట్లు పోటాపోటీగా తలపడ్డాయి. ఆధిపత్యం చేతులు మారుతూ వచ్చింది. తొలి అర్ధభాగం ముగిసే సరికి యోధాస్ ఒక్క పాయింట్ (17-16)తో ఆధిక్యంలో నిలిచింది. విరామం తర్వాత ముంబా పుంజుకుంది. రైడింగ్, ట్యాక్లింగ్లో మెరుగైన ప్రదర్శన చేసింది. ఆఖర్లో ఒత్తిడిని దాటి అయిదో విజయాన్ని ఖాతాలో వేసుకుంది. మరో మ్యాచ్లో హరియాణా స్టీలర్స్ 39-23తో గుజరాత్ జెయింట్స్ను ఓడించింది. హరియాణా జట్టులో రాహుల్ (8), మహమ్మద్రెజా (7), వినయ్ (7) మెరిశారు.