Category : | Sub Category : బ్రేకింగ్ వార్తలు Posted on 2024-02-02 18:34:01
TWM Live News : ఫిబ్రవరి 1న కేంద్ర ఆర్థిక శాఖ మంత్రి నిర్మలాసీతారామన్‌ మధ్యంత బడ్జెట్‌ను ప్రవేశపెట్టారు. అయితే విదేశాంగ మంత్రిత్వ శాఖ (MEA) గ్రాంట్ల డిమాండ్ ప్రకారం.. ఈ ఏడాది మధ్యంతర బడ్జెట్‌లో మాల్దీవులకు భారతదేశం 50 శాతం అభివృద్ధి సహాయాన్ని 400 కోట్ల రూపాయల నుండి 600 కోట్ల రూపాయలకు పెంచింది.
అయితే భారతదేశం గతేడాది రూ.400 కోట్లు కేటాయించినప్పటికీ సవరించిన అంచనాల ప్రకారం రూ.770 కోట్లు ఖర్చు చేసింది. అంటే ఈ ఏడాది మాల్దీవుల కోసం భారతదేశం అభివృద్ధి సహాయం గత సంవత్సరం ఖర్చు చేసిన దానికంటే 22 శాతం కోత విధించింది. గత ఏడాది, 2023-24 ఆర్థిక సంవత్సరానికి ప్రభుత్వం రూ. 45 లక్షల కోట్లకు పైగా బడ్జెట్‌ను సమర్పించింది. మాల్దీవులతో పోల్చి చూస్తే ఈ బడ్జెట్ కొన్ని కోట్లు ఎక్కువ. మాల్దీవులు ఒక ద్వీపం. భారతదేశం పొరుగు దేశం. భారత్ చాలా సందర్భాలలో మాల్దీవులకు సహాయం చేస్తోంది. మాల్దీవులు, భూటాన్ వంటి ఆసియా దేశాలు కూడా భారత బడ్జెట్‌లో ఉన్నాయి. అయితే, ఇటీవల, భారతదేశం ప్రధాన మంత్రి నరేంద్ర మోడీ గురించి మాల్దీవుల మహ్మద్ ముయిజూ ప్రభుత్వంలోని ముగ్గురు మంత్రులు చేసిన వ్యాఖ్యల తర్వాత రెండు దేశాల మధ్య ఉద్రిక్త పరిస్థితులు తలెత్తాయి.
ఆర్థిక సంవత్సరానికి కేంద్ర ప్రభుత్వం సమర్పించిన బడ్జెట్ రూ.45,03,097 కోట్లు అంటే 549.14 బిలియన్ డాలర్లు. ఇందులో రెవెన్యూ వ్యయం రూ.35,02,136 కోట్లు. మాల్దీవుల గురించి మాట్లాడితే.. జనవరి 3న మహమ్మద్ ముయిజు ప్రభుత్వం 2024 బడ్జెట్‌ను సమర్పించింది. మాల్దీవుల మొత్తం బడ్జెట్ 3.2 బిలియన్ డాలర్లు. భారతదేశ బడ్జెట్ మాల్దీవుల కంటే అనేక బిలియన్ డాలర్లు ఎక్కువ. ఈ మొత్తం మాల్దీవులకు చాలా దశాబ్దాలుగా ఉపయోగపడుతుంది.
