Category : | Sub Category : తాజా వార్తలు Posted on 2024-01-30 18:20:58
TWM Live News :-యూట్యూబ్‌లో ఫేమస్ మారిన స్ట్రీట్ ఫుడ్ కుమారి ఆంటీపై హైదరాబాద్ పోలీసులు కేసు నమోదు చేశారు. "ఏంటీ.. ఫేమస్ అయితే కేసులు పెడతారా..?" అని డౌటనునుమానం వచ్చిందా. నిజానికి ఆమె ఫేమస్ కావటమే ఇక్కడ అసలు సమస్య. అదేలా అంటే.. ప్రస్తుతం స్ట్రీట్ ఫుడ్ కారణంగా కుమారి ఆంటీ.. సోషల్ మీడియాలో తెగ ట్రెండింగ్ అవుతూ సెన్సేషన్‌గా మారిపోయింది. దీంతో.. యువత అంతా ఆంటీ దగ్గర బోజనం చేసేందుకు ఎగబడిపోతున్నారు. ఫలితంగా.. రద్దీ ఎక్కువైపోయి, రోడ్డుపైనే వాహనాలు పార్క్ చేస్తున్నారు. దీంతో.. ఆ మార్గంలో ఫుల్ ట్రాఫిక్ జాం అవుతోంది. ఇది కాస్త ఇప్పుడు పోలీసులకు తలనొప్పిగా మారింది. ఇంకేముంది.. ట్రాఫిక్ జాంకు కారణమైన కుమారి ఆంటీపై పోలీసులు కేసు నమోదు చేశారు.
