Category : సినిమా | Sub Category : సినిమా Posted on 2024-11-15 11:33:37
గుంటూరు కారం, లక్కీ భాస్కర్ మూవీస్తో టాలీవుడ్ లో గుర్తింపు తెచ్చుకున్న హీరోయిన్ మీనాక్షిచౌదరి. వరుణ్ తేజ్ తో కలిసి నటించిన మట్కా మూవీ కూడా ప్రేక్షకుల ముందుకు వచ్చేసింది. ఈ నేపథ్యంలో కేరీర్ ఇప్పుడిప్పుడే సెట్ అవుతున్న సమయంలో మీనాక్షి చౌదరీ టాలీవుడ్ కి చెందిన ఓ హీరోతో ప్రేమలో ఉన్నట్టు పుకార్లు వస్తున్నాయి. తాజా అప్డేట్స్ ప్రకారం అక్కినేని ఫ్యామిలీలో నాగార్జున మేనల్లుడు సుశాంత్ తో మీనాక్షి చౌదరీ ప్రేమాయణం నడుపుతున్నట్టు జోరుగా వార్తలు వినిపిస్తున్నాయి. అడ్డా, కరెంట్, లవ్లీ, కాళిదాసు వంటి సినిమాల్లో నటించి మంచి గుర్తింపు తెచ్చుకున్నాడు సుశాంత్. అల్లు అర్జున్ హీరో వచ్చిన అల వైకుంఠపురంలో కూడా నటించి మంచి మార్కులే సొంతం చేసుకున్నాడు. అయితే సుశాంత్, మీనాక్షి చౌదరీ కలిసి ఓ మూవీ కూడా చేశారు. ఇచ్చట వాహనములు నిలపరాదు అనే మూవీలో వీరిద్దరూ జంటగా కనిపించారు. అలాగే ఈ మూవీతోనే మీనాక్షి చౌదరీ మూవీ తెరంగేట్రం చేసింది. అప్పటి నుంచే వీరిద్దరూ ప్రేమలో ఉన్నట్టు తెలుస్తోంది. త్వరలోనే ఎంగేజ్ మెంట్ కూడా జరగబోతున్నట్టు టాక్. అయితే దీనిపై సుశాంత్, మీనాక్షి నుంచి ఎలాంటి క్లారిటీ రాలేదు.
