Category : అంతర్జాతీయ | Sub Category : వార్తలు Posted on 2024-11-15 10:21:52
TWM News:-2016లో నీలికళ్లతో సంచలనం సృష్టించిన వ్యక్తి.. ఇప్పుడు మరోసారి వార్తల్లో నిలిచాడు. దాయాది దేశం పాకిస్తాన్ చాయ్ వాలా ఇప్పుడు కోటి రూపాయల డీల్ కుదుర్చుకున్నట్లు వార్తలు వినిపిస్తున్నాయి. దీంతో ఆ యువకుడికి నెటిజన్లు శుభాకాంక్షలు చెబుతున్నారు.
మీరు ఇంటర్నెట్‌లో యాక్టివ్‌గా ఉండేవారు అయితే.. పాకిస్థాన్‌లోని వైరల్ చాయ్‌వాలా గురించి మీకు తెలిసే ఉండాలి. నీలి కళ్ళు, ఆ సాధారణ టీ మేకింగ్ స్టైల్ తో ప్రపంచం మొత్తాన్ని ఆకర్షించాడు. ఈ యువకుడు మరోసారి వార్తల్లో నిలిచాడు. ఇప్పుడు ఈ చాయ్ వాలాకు కోటి రూపాయల ఆఫర్ వచ్చిందట. ఇది తెలిసిన తర్వాత అదృష్టం ఉంటే ఇలాగే జరుగుతుంది అని అంటున్నారు!
భారతదేశం వలె పాకిస్తాన్‌లో షాక్ ట్యాంక్ వంటి ప్రదర్శన జరుగుతోంది. పాకిస్తాన్‌లోని పెద్ద వ్యాపారవేత్తలు కొత్త స్టార్టప్‌లకు మద్దతు ఇస్తారు. తమ డబ్బును పెట్టుబడి పెడతారు. అర్షద్ విషయంలో కూడా అలాంటిదే జరిగింది. అర్షద్ తన టీ బ్రాండ్‌కు సంబంధించిన వివరాలను గురించి ఓ ప్రదర్శనలో వెల్లడించాడు. దీంతో అక్కడ కూర్చున్న పారిశ్రామికవేత్తలు ఎంతగానో ముగ్ధులై అర్షద్ కు కోటి రూపాయల ఆఫర్ ఇచ్చారు.
