Category : అంతర్జాతీయ | Sub Category : వార్తలు Posted on 2024-11-15 10:07:44
TWM News:-ప్రధాని మోదీకి డొమినికా ఇచ్చిన ఈ గౌరవం భారతదేశానికి గర్వకారణం మాత్రమే కాదు, భారతదేశ ప్రభావం, సహకారం ఇప్పుడు సరిహద్దులకు అతీతంగా ఉందని ప్రపంచానికి సందేశాన్ని కూడా ఇస్తుంది.
భారత ప్రధానమంత్రి నరేంద్ర మోడీకి అరుదైన గౌరవందక్కింది. ఉత్తర అమెరికా ఖండంలోని కరేబియన్ ప్రాంతంలోని డొమినికా, భారత ప్రధాని నరేంద్ర మోదీకి అత్యున్నత జాతీయ గౌరవాన్ని ప్రదానం చేస్తున్నట్లు ప్రకటించింది. COVID-19 మహమ్మారి సమయంలో డొమినికాకు చేసిన కృషికి, భారత్‌ – డొమినికా మధ్య భాగస్వామ్యాన్ని బలోపేతం చేయడంలో ఆయన చేసిన అంకితభావానికి గుర్తింపుగా ప్రధాని మోదీకి డొమినికా తన అత్యున్నత జాతీయ అవార్డు డొమినికా అవార్డ్ ఆఫ్ హానర్‌ను ప్రదానం చేస్తున్నట్లు ప్రకటించింది.
చిన్న కరేబియన్ ద్వీప దేశమైన డొమినికా, భారత ప్రధాని నరేంద్ర మోదీని తమ దేశ అత్యున్నత జాతీయ గౌరవంతో సత్కరించనున్నట్లు ప్రకటించింది. ఈ ప్రకటన రాబోయే ఇండియా-కారికోమ్ సమ్మిట్ సమయంలో చేయనున్నట్లు తెలిపింది. కోవిడ్ -19 మహమ్మారి సమయంలో ప్రపంచవ్యాప్త సహకారం, కరేబియన్ దేశాలతో భారతదేశ సంబంధాలను బలోపేతం చేయడానికి ఆయన చేసిన కృషికి ప్రధాని మోదీకి ఈ గౌరవం ఇవ్వనున్నట్లు ప్రకటించింది.
