Category : | Sub Category : బ్రేకింగ్ వార్తలు Posted on 2024-07-27 09:54:57
TWM NEWS:వాషింగ్టన్: అమెరికా అధ్యక్ష ఎన్నికల్లో డెమోక్రటిక్ అభ్యర్థిగా పోటీ చేస్తున్న కమలా హారిస్కు మాజీ అధ్యక్షుడు బరాక్ ఒబామా మద్దతు తెలిపారు. అధ్యక్ష రేసు నుంచి జో బైడెన్ వైదొలగడంతో హారిస్ బరిలో నిలిచిన సంగతి తెలిసిందే. అధికారికంగా ఇంకా అభ్యర్థిత్వం ఖరారు కాకపోయినా పార్టీలో కీలక నేతలంతా ఆమెకు మద్దతు పలుకుతూ ప్రకటనలిచ్చారు. అయితే ఒబామా స్పందించలేదు. దీంతో కమల అభ్యర్థిత్వంపై ఆయన అసంతృప్తిగా ఉన్నట్లు ఊహాగానాలొచ్చాయి. వాటికి తెరదించుతూ హారిస్ ఒబామా దంపతులు ఫోన్లో మాట్లాడారు. మా స్నేహితురాలు కమలా హారిస్కు నేను, మిషెల్ కొద్ది రోజుల క్రితం ఫోన్ చేశాం. ఆమె అమెరికాకు అధ్యక్షురాలు అవుతారని మేం భావిస్తున్నాం. మా పూర్తి మద్దతును ఆమెకు తెలియజేశాం. నవంబరు 5న జరగనున్న అధ్యక్ష ఎన్నికల్లో కమల గెలవడానికి ఏమైనా చేస్తాం. మీరు కూడా మాతో చేరుతారని ఆశిస్తున్నాం అంటూ కమలా హారిస్తో జరిగిన ఫోన్ సంభాషణ వీడియోను ఒబామా షేర్ చేశారు.
ట్రంప్ చర్చకు సిద్ధమే
రిపబ్లికన్ పార్టీ అధ్యక్ష అభ్యర్థి డొనాల్డ్ ట్రంప్ తో ముఖాముఖి చర్చకు తాను సిద్ధమేనని కమలా హారిస్ ప్రకటించారు.
