Category : | Sub Category : క్రీడా Posted on 2024-07-25 09:03:19
ఒలింపిక్స్ సన్నాహాల్లో ఉన్న భారత షట్లర్లకు జాతీయ ప్రధాన కోచ్ పుల్లెల గోపీచంద్ ఒక హెచ్చరిక జారీ చేశాడు.
పారిస్: ఒలింపిక్స్ సన్నాహాల్లో ఉన్న భారత షట్లర్లకు జాతీయ ప్రధాన కోచ్ పుల్లెల గోపీచంద్ ఒకహెచ్చరిక జారీ చేశాడు. ఈ సమయంలో సన్నద్ధత పేరుతో కొత్తగా ప్రయోగాలు ఏమీ చేయొద్దని గోపీ అన్నాడు. క్రీడాకారులందరికీ ఒక మామూలు సందేశం ఇవ్వాలనుకుంటున్నా. ప్రతి పోరునూ మామూలు మ్యాచ్లగే చూడండి. సన్నాహాల్లో భాగంగా కొత్తగా ఏమీ చేయొద్దు. హడావుడి పడొద్దు. సరైన దిశగా సన్నాహం ఉండాలి. అప్పుడు మ్యాచ్లు వాటంతట అవే బాగా సాగుతాయి అని గోపీ చెప్పాడు. ఒలింపిక్స్లో మూడో పతకం మీద కన్నేసిన పి.వి.సింధు ఇటీవల సరైన ఫామ్లో లేకపోవడం గురించి గోపీ మాట్లాడుతూ... ఆమె పతకం గెలిచేందుకు మంచి అవకాశాలే ఉన్నాయని భావిస్తున్నా. సింధుకు చైనా అమ్మాయిలు జి బింగ్, చెన్ యులతో డ్రా పడింది. వీరిపై గతంలో ఆమె మెరుగైన ప్రదర్శన చేసింది. కాబట్టి ఒలింపిక్స్లో మరోసారి సింధు పతకం సాధిస్తుందనే అనుకుంటున్నా అన్నాడు.
