Category : | Sub Category : క్రీడా Posted on 2024-07-22 09:59:20
శ్రీలంక పర్యటన కోసం భారత జట్టుకు తాత్కాలిక బౌలింగ్ కోచ్గా.ఎన్సీఏలో సేవలు అందిస్తున్న సాయిరాజ్ బహుతులె వ్యవహరించనున్నాడు.
దిల్లీ: శ్రీలంక పర్యటన కోసం భారత జట్టుకు తాత్కాలిక బౌలింగ్ కోచ్గా.. ఎన్సీఏలో సేవలు అందిస్తున్న సాయిరాజ్ బహుతులె వ్యవహరించనున్నాడు. టీమ్ ఇండియా ప్రధాన కోచ్గా బాధ్యతలు చేపట్టిన గౌతమ్ గంభీర్ తన సహాయక బృందాన్ని నియమించుకునే పనిలో పడ్డాడు. ఇప్పటికే అభిషేక్ నాయర్, ర్యాన్ టెన్ డస్కాటేలను తన బృందంలోకి తీసుకున్నాడనే వార్తలొచ్చాయి. బౌలింగ్ కోచ్గా దక్షిణాఫ్రికా మాజీ పేసర్ మోర్నీ మోర్కెల్ను నియమించే అవకాశముంది. కానీ శ్రీలంక సిరీస్ కోసం అతను అందుబాటులో లేకపోవడంతో తాత్కాలికంగా బహుతులను ఎంపిక చేశారు. మాజీ లెగిస్పిన్నరైన బహుతులె భారత్ తరపున రెండు టెస్టులు, ఎనిమిది వన్డేలు ఆడాడు.
