Category : | Sub Category : బ్రేకింగ్ వార్తలు Posted on 2024-07-18 11:51:16
TWM NEWS: ప్రపంచవ్యాప్తంగా ఉన్న ఏడు వింతల (7 New Wonders of the World)ను అత్యంత తక్కువ సమయంలో సందర్శించి సరికొత్త రికార్డు సృష్టించారు ఈజిప్టు (Egypt)కు చెందిన ఓ వ్యక్తి. ఏడు వింతలను కేవలం ఆరున్నర రోజుల్లోనే చూసేశాడు. అది కూడా ప్రజా రవాణాను మాత్రమే ఉపయోగించి..! దీంతో గిన్నిస్ వరల్డ్ రికార్డ్స్ (Guinness World Records) లో చోటు దక్కించుకున్నాడు. ఎవరా వ్యక్తి? అదెలా సాధ్యమైందంటే..?
ఈజిప్టుకు చెందిన మాగ్గే ఐసా ఇటీవల ఓ ప్రత్యేక పర్యటన చేశారు. ప్రపంచంలోని ఏడు వింతలైన గ్రేట్ వాల్ ఆఫ్ చైనా, పెట్రా, కోలోజియం, షింషెన్ ఇట్జా, మచు పిచు, తాజ్ మహల్ , క్రీస్ట్ ఆఫ్ రిడీమర్ను కేవలం 6 రోజుల 11 గంటల 52 నిమిషాల్లో సందర్శించారు. ఆయన యాత్రను గిన్నిస్ బుక్ గుర్తించింది. ప్రపంచ రికార్డులో చోటు కల్పించి.. ఐసా టూర్ విశేషాలకు సంబంధించిన వీడియోను తమ ఇన్స్టా ఖాతాలో షేర్ చేసింది. గతేడాది ఇంగ్లాండ్కు చెందిన జేమీ మెక్డొనాల్డ్ సాధించిన రికార్డును ఐసా ఇప్పుడు బద్దలుకొట్టారు. ఆయనకంటే నాలుగున్నర గంటలు వేగంగా ప్రపంచ వింతలను సందర్శించి చరిత్ర సృష్టించారు.
