Category : క్రీడలు | Sub Category : అంతర్జాతీయ Posted on 2024-11-20 10:38:16
TWM News:-భారత అమ్మాయిల హాకీ జట్టు అదరగొట్టింది. జోరు కొనసాగిస్తూ ఆసియా ఛాంపియన్స్ ట్రోఫీలో ఫైనల్క దూసుకెళ్లింది. మంగళవారం సలీమా బృందం 2-0తో జపాన్ను చిత్తు చేసింది.
రాజ్గర్ (బిహార్): భారత అమ్మాయిల హాకీ జట్టు అదరగొట్టింది. జోరు కొనసాగిస్తూ ఆసియా ఛాంపియన్స్ ట్రోఫీలో (మహిళల ఆసియా ఛాంపియన్స్ ట్రోఫీ 2024) ఫైనలు దూసుకెళ్లింది. మంగళవారం సలీమా బృందం 2-0తో జపాన్ ను చిత్తు చేసింది. ఈ మ్యాచ్లో ఆరంభం నుంచి రెండు జట్లూ నువ్వానేనా అన్నట్లు తలపడ్డాయి. కానీ తొలి రెండు క్వార్టర్స్ ఒక్క గోల్ కూడా కాలేదు. అయిదో నిమిషంలో సలీమా కొట్టిన ఓ షాట్ను జపాన్ గోల్కీపర్ యూకుడో అడ్డుకుంది. దీపిక, ఉదిత కొట్టిన షాట్లు గమ్యాన్ని చేరలేదు. పెనాల్టీకార్నర్లు వరుసగా వచ్చినా రెండు జట్లూ ఫినిషింగ్ చేయలేకపోయాయి. అయితే ఎట్టకేలకు 48వ నిమిషంలో భారత్ (భారత్ వర్సెస్ జపాన్) ఆధిక్యంలోకి వెళ్లింది. పెనాల్టీ స్ట్రోక్ను సద్వినియోగం చేస్తూ నవ్నీత్ కౌర్ స్కోర్ చేసింది. మరో నాలుగు నిమిషాల్లో ఆట ముగుస్తుందనగా లాల్రెమ్సయామి (56వ) ఫీల్డ్ గోల్ సాధించి జట్టుకు తిరుగులేని ఆధిక్యాన్ని అందించింది. సనెలిటా టొప్పో నుంచి పాస్ అందుకున్న లాలెమియామి ఆలస్యం చేయకుండా బంతిని లక్ష్యానికి చేర్చింది. ఈ మ్యాచ్లో భారత్ ఏకంగా 13 పెనాల్టీకార్నర్లు వృథా చేసింది. బుధవారం టైటిల్ పోరులో చైనాతో భారత్ తలపడనుంది. ఈ టోర్నీలో ఆరు మ్యాచ్లు ఆడిన సలీమా బృందం అన్నింట్లోనూ గెలవడం విశేషం. మరో సెమీస్లో చైనా 3-1తో మలేసియాను ఓడించింది.
