Category : క్రీడలు | Sub Category : అంతర్జాతీయ Posted on 2024-11-18 10:41:33
TWM News:-భారత్ ఎ. జట్టుతో వాకాస్టేడియంలో జరిగిన ప్రాక్టీస్ మ్యాచ్‌లో జస్ప్రీత్ బుమ్రా, మహ్మద్ సిరాజ్, హర్షిత్ రాణా బౌలింగ్‌లో ఆకట్టుకున్నారు. ఓపెనర్ యశస్వి జైస్వాల్ లెగ్-స్పిన్ చేయడం, శుభ్‌మాన్ గిల్ గాయపడటం కీలకాంశాలు. తొలి టెస్టు ముందు గాయాల సమస్యలు, కీలక ఆటగాళ్ల ఫిట్నెస్ భారత్‌కు ఆందోళన కలిగిస్తున్నాయి.
భారత క్రికెట్ జట్టు ఆస్ట్రేలియాతో జరిగే బోర్డర్-గవాస్కర్ ట్రోఫీ కోసం సన్నాహాల్లో భాగంగా భారత ఎ. జట్టుతో ప్రాక్టీస్ మ్యాచ్ ఆడింది. వెస్ట్రన్ ఆస్ట్రేలియా క్రికెట్ అసోసియేషన్ (వాకా) స్టేడియంలో మూడు రోజుల ఈ మ్యాచ్ లో ఆసక్తికరమైన పరిణామాలు చోటు చేసుకున్నాయి. బీసీసీఐ విడుదల చేసిన వీడియో ద్వారా కొంత సమాచారం బయటపడింది.
గాయాలు బెడద..
వాకా ప్రాక్టీస్ గేమ్‌లో శుభ్‌మాన్ గిల్ బొటనవేలికి గాయం అయ్యింది, దీంతో తొలి టెస్టుకు అతను అందుబాటులో ఉండకపోవచ్చు. కెఎల్ రాహుల్ చేతికి గాయం అయినప్పటికీ, త్వరగా నెట్ ప్రాక్టీస్‌లోకి వచ్చాడు. ఇదిలా ఉండగా రోహిత్ శర్మ కూడా తొలి టెస్ట్‌కు అందుబాటులో ఉండకపోవచ్చునని అనుమానాలు రేకెత్తుతున్నాయి.జస్ప్రీత్ బుమ్రా మరియు మహ్మద్ సిరాజ్ తమ ఫిట్నెస్, ఫామ్‌ను నిరూపించుకున్నారు. వారు ఇండియా ఎ. జట్టు బ్యాటర్లపై పూర్తి ఆధిపత్యం ప్రదర్శించి, కీలకమైన వికెట్లు తీశారు. హర్షిత్ రాణా కూడా తన బౌలింగ్‌తో ఆకట్టుకున్నాడు. ఈ యువ పేసర్ ప్రాక్టీస్ గేమ్‌లో చురుకుగా కనిపించాడు.
