Category : క్రీడలు | Sub Category : అంతర్జాతీయ Posted on 2024-09-19 12:59:45

బంగ్లాదేశ్‌తో టెస్ట్ సమరానికి భారత జట్టు సిద్ధమైంది. చెన్నైలోని ఎంఏ చిదంబరం స్టేడియం వేదికగా జరుగుతోన్న ఈ మ్యాచ్ లో గెలిచి శుభారంభం చేయాలని ఇరు జట్లు భావిస్తున్నాయి. ఈ మ్యాచ్‌లో టాస్ గెలిచిన బంగ్లాదేశ్ కెప్టెన్ నజ్ముల్ హొస్సేన్ శాంటో బౌలింగ్ ఎంచుకున్నాడు. దీంతో తొలుత టీమిండియా బ్యాటింగ్ కు దిగనుంది. ఈ మ్యాచ్ కోసం భారత జట్టు బలమైన జట్టును రంగంలోకి దించింది. దీని ప్రకారం యశస్వి జైస్వాల్, రోహిత్ శర్మలు టీమ్ ఇండియా ఓపెనర్లుగా బరిలోకి దిగనున్నారు. శుభ్‌మన్ గిల్ 3వ స్థానంలో ఆడుతుండగా, విరాట్ కోహ్లీ 4వ స్థానంలో బ్యాటింగ్ చేయనున్నాడు. అలాగే 5, 6 స్థానాల్లో కేఎల్ రాహుల్, రిషబ్ పంత్ ఆడనున్నారు. రవీంద్ర జడేజా, రవిచంద్రన్ అశ్విన్‌లు టీమ్‌ఇండియా ప్లేయింగ్‌ ఎలెవన్‌లో ఆల్‌రౌండర్లుగా నిలిచారు. జస్‌ప్రీత్ బుమ్రా, మహ్మద్ సిరాజ్‌లకు తోడు ఆకాష్‌ దీప్‌ పేస్ దళాన్ని పంచుకోనున్నాడు.

టీమ్ ఇండియా ప్లేయింగ్ XI ఇలా ఉంది…

యశస్వి జైస్వాల్,రోహిత్ శర్మ (కెప్టెన్),శుభమాన్ గిల్,విరాట్ కోహ్లీ,కేఎల్ రాహుల్,రిషబ్ పంత్ (వికెట్ కీపర్),రవీంద్ర జడేజా,రవిచంద్రన్ అశ్విన్,జస్ప్రీత్ బుమ్రా,మహ్మద్ సిరాజ్,ఆకాష్ దీప్.

సర్ఫరాజ్ ఖాన్, ధ్రువ్ జురైల్, కుల్దీప్ యాదవ్, యశ్ దయాల్, అక్షర్ పటేల్ టీమ్ ఇండియా ప్లేయింగ్ XIలో చోటు దక్కలేదు.మరోవైపు బంగ్లాదేశ్ జట్టు కూడా బలమైన జట్టును రంగంలోకి దించింది. పాకిస్థాన్‌తో సిరీస్‌లో ఆడిన జట్టునే ఇక్కడ కూడా కొనసాగించింది. దీంతో తొలి మ్యాచ్‌లో ఇరు జట్ల మధ్య హోరాహోరీ పోరు జరగవచ్చని తెలుస్తోంది.

బంగ్లాదేశ్ జట్టులోని ప్లేయింగ్ ఎలెవన్ ఇలా ఉంది…

షాద్మాన్ ఇస్లాం,జాకీర్ హసన్,నజ్ముల్ హొస్సేన్ శాంటో (కెప్టెన్),మోమినుల్ హక్,ముష్ఫికర్ రహీమ్,షకీబ్ అల్ హసన్,లిటన్ దాస్ (వికెట్ కీపర్),మెహదీ హసన్ మిరాజ్,తస్కిన్ అహ్మద్,హసన్ మహమూద.,నహిద్ రాణా.