Category : వ్యాపారం | Sub Category : అంతర్జాతీయ Posted on 2024-09-18 17:31:27

TWM News:-వాస్తవానికి వెల్లుల్లి అనేది ఆయుర్వేదంలో దివ్యౌషధంగా చెబుతారు. జలుబు నుంచి రక్తపోటు వరకు అన్నింటికీ అద్భుతంగా పనిచేస్తుంది. వెల్లుల్లిలో విటమిన్ సి, విటమిన్ బి6, మాంగనీస్, సెలేనియం ఉంటాయి. అయితే ఇప్పుడు మార్కెట్‌లోకి అక్రమంగా ప్రవేశించిన వెల్లుల్లిలో విషపూరితమైన కెమికల్స్ ఉన్నాయనే నిపుణుల హెచ్చరికతో ప్రజలు బెంబేలెత్తిపోతున్నారు.

గత కొంతకాలంగా భారత మార్కెట్‌లో కల్తీ ఆహారం ఎక్కువైంది. పప్పులు, ఉప్పు, పాలు, నూనె, స్వీట్లు సహా వంటింట్లో ఉపయోగించే వెల్లుల్లికి సైతం నకిలీ మకిలీ అంటుకుంది. ప్రస్తుతం మార్కెట్లో విషపూరిత వెల్లుల్లి విక్రయాలు యద్ధేచ్ఛగా జరుగుతున్నాయనే వార్తలు తీవ్ర దుమారం రేపుతున్నాయి. నివేదికల ప్రకారం 2014లో నిషేధించిన చైనా వెల్లుల్లి ఇప్పుడు మన దేశంలో అక్రమంగా అమ్ముతున్నారనే వార్తలు వస్తున్నాయి. నిషేధించిన వెల్లుల్లిలో పెద్దమొత్తంలో క్రిమి సంహారక పదార్ధాలు ఉన్నాయని ఆరోగ్య నిపుణులు హెచ్చరిస్తున్నారు.